熱門:

2016年8月1日

方卓如 方如玉帥

愈蠢愈懶愈發達

人老咗,就識得睇嘢睇遠啲,睇大啲。年輕嘅時候,梗係會自我中心,覺得自己是對的,要有氣魄改變世界。老咗,經歷多咗,知道世界唔係根據個人意志去運行,無論你幾叻,你都受制於客觀環境,成敗未必關乎你叻唔叻。所以人老咗,要學識睇世界運行,搵錢又好,改變世界又好,都要順應時勢。

搵錢嚟講,而家係歷史以來最叫人無助嘅環境,搵唔搵到錢唔係你自己話事,係世界環境話事。做生意同投資,你個人嘅本事已經微不足道,環境唔就你注定要血本無歸。泡沫經濟唔係今時今日先有,八十年代開始用信貸泡沫吹起經濟發展,全世界人都受惠,令你提早可以得到經濟能力範圍以外嘅物質享受,買車買樓。而信貸不斷膨脹,資產價格升值,仲可以令你提早享受物質之餘,仲有財富增值,愈借愈發。八十年代開始嘅黃金30年,愈蠢愈懶愈無膽嘅就愈發,因為佢哋買定之後坐定定,唔會用自己智慧走去又買又賣,避過幾劫。捱過幾個浪唔死得,就可以上岸。

金融秩序去到崖邊

信貸膨脹到而家,去到極點,再加上幾個金融風暴,財富集中在少數人手上,即是地球資源並無減少,只係有權運用資源嘅人愈嚟愈少。

少數人俾大多數人奴役同搵笨,歷史證明呢啲情況係唔會持久,以前啲農民革命就係咁嚟。唔好以為人類係千方百計避免金融危機,有辦法嘅人,最搵錢嘅方法就係靠金融危機。

目前全世界嘅金融秩序係去到崖邊,你睇吓全世界央行都唔敢減息就知,佢哋驚最後一根稻草係由自己手上放下。搵錢嘅世界咁凶險,要改變世界更甚,明天打風日再講。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads