熱門:

2016年2月1日

高仁 財圈識真假

「神馬」證券產品 真借貸假投資

上文提要:高仁的「豬朋狗友」程更計向上市公司老闆戴孤劃,建議了一個「神馬」神奇證券產品,其特別結構是大股東有得賣股票,但可以保留upside;而且大股東抵押股票借錢,但不會被人call孖展。

高仁將會在本文玩大踢爆,指出程更計所建議的新證券產品,其實只是一個High-yield EB(Exchangeable Bond),但以前upside全在投資者,現在則把upside分享給大股東。

造成名人入股假象

在披露對話實錄之前,請各位「巴打」與「絲打」重溫人物背景,簡介如下:

戴孤劃—又稱為「戴Sir」,《信報》「蠱壇辨虛實」專欄作家,上市公司大股東,經常欺壓小股東;

程更計—本地證券行經紀兼財務顧問,除了招呼散戶之外,亦向上市公司出謀獻計。

高 仁:表面上,程更計設計呢隻產品嘅structure會畀街外人睇到,有著名投資者入股該老闆嘅公司,可能會增加市場對公司嘅信心;但實際上,街外人未必知道老闆亦把部分股權抵押咗畀該名投資者,在某些特定情況仲可以毋須披露。

戴孤劃:吓!?即係點?

高 仁:即係話,呢一個證券產品其實係「真借貸,假投資」嚟。

戴孤劃:呢個產品有乜嘢要留意嘅地方呀?

高 仁:同賣股票比較,呢個structure較差。因為,大股東賣完股票,不但需要額外抵押兩倍股票,仲要「補底」支付15%至18%利息同個人擔保。如果股價上升嘅話,仲要同投資者七三分賬。

戴孤劃:諗落好似又係喎……

高 仁:同抵押相比,呢個structure亦較差。因為,抵押利率可以稍為低一啲,另外唔使同投資者分享利潤。如果冇違約,即使股票抵押緊,投資者A都唔可以賣大股東嘅股票。但而家就可以,因為已經有一批股票賣咗出去,可能嘅好處只係冇margin call,或者很低嘅trigger price(即觸發價格,但因市況差,有啲structure還是設計到要call margin)【表1】。

類似High-yield EB

戴孤劃:咁點解可以冇margin call嘅?

高 仁:因為,部分股票已經落喺投資者A嘅手上,可以隨時出售,咁又何需再call呢?

戴孤劃:(以普通話發問)究竟這是「神馬」(戴Sir又在推銷「國情特色用語」)神奇structure?

高 仁:我估計,呢一個產品嘅structure,只不過係類似一隻High-yield EB【表2】,但以前upside全部落喺投資者到,而家就把upside分享俾股東啫。

戴孤劃:Che……等我仲以為阿程有好介紹tim。

程更計:乜原來係咁㗎?可能係我搞錯咗。Sorry!Sorry!

本欄逢周一刊出

歡迎交流上市公司的財技個案及招數,請電郵至[email protected]

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads