熱門:

2015年11月18日

方卓如 方如玉帥

當然係撐香港隊

現代足球比賽其實係proxy war,唔動真槍同你死過,國仇家恨最容易代入足球比賽,一決高下。港中大戰就係最直接埋身、一吐烏氣嘅場合。全靠高官提醒市民我哋有冇烏氣,就係連支持自己隊波原來都係唔啱。政府連正常一場足球比賽都可以用嚟挑撥港人情緒,太厲害。完場後成個旺角場「we are Hong Kong」,好耐未試過主場嘅感覺,一直都俾人迫你覺得寄人籬下。情形就好似昨日所講嘅岸信介案例。

岸信介逐步變身成私募

未講完岸信介連根拔起嘅出走故事。佢唔會有高官恐懼症候群,當然係撐香港隊。他朝歸順咗另一個皇朝,仔女都滿口英文、成身紋身,假如要同香港隊踢足球,我相信佢都係撐香港隊,呢隊先係親生仔嘛,你去人哋處避難,好少避到真心變咗另一處鄉下。岸信介有錢買晒所有要買嘅投資,回報唔多都冇相干,只要唔蝕就得。但係佢最閉翳嘅,係唔知去到人哋鄉下,有乜細藝。佢練成咗另類嘅價值投資法,全靠去接觸有獨特見解嘅人士,唔需要睇年報。但係人生路不熟,呢套另類嘅價值投資法用唔着,咁佢就算唔憂柴唔憂米,每日送完仔女返學之後,仲有乜嘢可以做呢?

因為咁,佢已經開始轉型。人哋鄉下有咁多投資機會,佢認識咁多人需要找項目,佢逐步變身成為私募。呢招好嘢,因為私募一樣可以炒股票。徐翔係私募一哥,炒股票先係成名作。岸信介唔使做到徐翔嘅級數,俾佢買中一兩隻,賣到俾香港上市公司,夠佢食多兩世。佢要認真去人哋鄉下建立一點事業,係因為同廿年前唔同,佢冇退路,佢啲仔女都冇退路。佢唔可以回流返香港再搵食,到時莫講話佢,留喺到嗰班都未必搵到食。仔女更甚,以前啲後生仔讀完書可以返香港做嘢,英文講得「咯咯聲」更妙。而家啲唔湯唔水嘅半唐番,嚟到香港唔值錢,從低做起,生活質素咁低,跑返去叫老竇養仲好過。一去冇回頭,莫過於此。

人各有志,走又得留又得。港隊帶俾我哋嘅啟示係,死守,等候機會,最後結果就算贏唔到,你都足夠同成村人交代,大家都會感動到喊。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads