熱門:

2015年11月9日

方卓如 方如玉帥

守到先至最叻

MotoGP沒有奇蹟發生,羅斯包尾起步但係最終可以攞到第四名;羅倫素由頭帶到尾,贏冠軍兼且世界冠軍。今年係近年最緊湊、最具話題嘅MotoGP比賽,教曉我哋要成事,自己叻都唔夠,對手點樣行事,環境配合唔配合,全部計算在內。羅斯fans特別多,第四名番pit其他隊伍工作人員都夾道歡迎,可惜殘酷嘅世界係冇安慰獎,又老咗一年嘅羅斯,眼白白見到最後一次嘅冠軍機會溜走。

最緊要唔好犯錯

2015年基本上可以埋單計數,雖然大上大落,賺到錢嘅人其實唔少。最緊要唔好學羅斯,年頭帶到年尾,最尾一場先俾人過頭。到年尾收爐,唔好犯錯,諗計冧落去2016年。2016年有幾樣走勢幾乎可以肯定,樓價向下調整,零售繼續萎縮。全世界經濟愈係唔好,政府就愈印銀紙,直至一日連印銀紙都冇用。香港夾喺經濟好似幾好嘅美國同經濟似乎唔多好嘅中國中間,2016年就會見到夾係中間會有幾慘。

金融呢一行起跌最快,可以三扒兩撥彈起,守唔到嘅話幾下手勢就冧檔,少啲心血都頂唔順。要長時間屹立不倒,最緊要係唔好畀自己犯錯,小小錯都唔得。因為一個犯錯,好大機會你會在補救過程犯下第二個錯。錯吓錯吓,你就救唔番。呢一行賺到唔係最叻,守到先至係叻。

2015年最有錢賺嘅,係因為賺完之後守到。成日有人教你賺錢,但從來冇人教過你點守。賺錢嗰個萬人景仰,守到嗰個冇人注意。2016年,未必係可以賺大錢,最緊要守到。傳媒每年都會話你知邊個行家最賺錢,但佢哋賺到錢嘅本事係唔會話到畀你知。同MotoGP一樣,有時賺錢唔使一定自己本事。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads