熱門:

2015年9月25日

方卓如 方如玉帥

落到山先叫贏

好多人走過早前嘅大時代,半年下來埋單計數,賺唔到錢不特止,仲要輸到入肉,關鍵唔係唔識上山,而係唔識落山。中國人最早發現炒股票嘅心得,「上山容易落山難」,你夠膽夠聰明上到山,一日未落山你都未叫贏,落到山先可以埋單計數。太高深?

有冇睇最近嗰套Everest?你就明白點解落到山先叫做贏。1996年攀登珠穆朗瑪峰嘅登山隊發生意外,是2015年4月前死亡人數最多嘅一次。2015年4月尼泊爾發生地震,珠峰雪崩衝落基地營,死亡人數超過1996年。

1996年身亡嘅,本身係攀山高手。Rob Hall係領隊,佢創辦嘅Adventure Consultants,專帶客人征服唔同嘅高山。Rob之前已經4次登頂,其中一次仲係同老婆一齊。Rob意外身亡後,有份同行嘅Guy Cotter從遺孀買入Adventure Consultants股份,經營至今,仲發揚光大,年前搬進一個湖景辦公室。第一個登頂珠峰嘅人Edmund Hillary,佢個仔Peter都有去賀辦公室開張。Guy嘅老竇本來計劃同Edmund一齊登山,但係因為盤川唔夠所以未能成行,否則都係登頂第一人。電影入面扮演Guy的,就係「阿凡達」嘅男主角。

Everest入面全部都係真人真事,部分當事人仲生勾勾,睇緊邊個明星扮自己。

留得青山在 哪怕無柴燒

攀山專家帶領平民登頂,賣點是安全,收費昂貴。最後專家同平民都遇難,原因係冇按紀律下午兩點落山,未及日落前回到4號營。死去嘅全部成功登頂,達成多年心願,威盡一刻。未能全身而退落山,一時嘅登頂成就,變得毫無意義。

電影入面有一幕,有人問大家點解要上珠峰,冇人提出一個合理嘅理由。Guy Cotter幾年前接受訪問嘅時候,相信回答到好多人嘅疑問,點解有人唔怕辛苦、唔怕死,貼錢都要登上頂峰。有啲人就係鍾意山,鍾意上山。辛苦得來嘅成功感,就係人類生存嘅意義。找尋唔到乜嘢令你有呢種成功感,咁你只係每日吊住條命等死。登山者登完一次又一次,有錢人賺完再賺不停搵錢,性質其實都係差唔多,一停下來,生命就冇咗意義。

高手都未必次次可以落到山,你喺「大時代」落唔到山賺唔到錢,條命仲保到,仲有下次畀你上山落山嘅機會。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads