熱門:

2015年8月17日

方卓如 方如玉帥

答案好簡單

帆船應該比跑步更接近投資嘅情形。跑步九成九喺自己控制範圍之內,跑快跑慢可以自己控制,但係隻帆船行定唔行,你只可靠個勢,個人意志係幫唔到手。而家你直情好似隻帆船,身處喺風暴之中,隻船仲可唔可以向前行?你唔知,唔沉已經偷笑。最驚嘅係,同隻船一樣,你唔做嘢唔代表你安全冇事。你唔買股票,A股玩完可以唔關你事;但人民幣貶值,你炒唔炒股票冇分別,都會影響到你份身家。而最新嘅情況係,無人估到人民幣貶值背後真正原因,同埋佢有乜真正後果。人係冇預測能力,尤其是預測中國政府嘅舉動。

應該點估?愈簡單愈好。你知唔知最出名嘅帆船比賽,最扣人心弦嘅賽事係邊場?2013年,帆船比賽嘅最高級賽事「美洲盃」,美國隊對紐西蘭隊,邊隊贏9場就可以捧盃。紐西蘭隊領先8比1,贏多一場就搞掂。但結果是,美國隊連贏8場,後來居上,紐西蘭隊飲恨到極點。

點解美國隊可以如有神助,連贏8場?一直是個謎。美國隊唔會自己話畀人知,而且呢隊財雄勢大,有出貓前科,未開賽已經被罰兩場,即係美國隊係贏咗11場,先有9比8呢個數字。

信自己就得

好多人估佢係咪輸到離行離列之後,漏夜搵專家改船。2013年美洲盃使用的比賽船,是72呎嘅雙體船,特點係快過風,而且識飛。佢行駛嘅時候,好似水翼船,只有兩隻腳掂水。好多人估佢搞過隻腳,令佢飛得快啲。

最近有本帆船雜誌,揭曉點解美國隊可以後來居上。下一屆美洲盃喺2017年在百慕達舉行,而家開始初賽。雜誌訪問了唔同人,包括美國隊隊長。原來,事實是紐西蘭隊逆風快過美國隊,隊長唔明點解,明明依足電腦模擬的角度。佢發現,如果行走角度大啲,雖然路程長咗,但速度快咗,除笨有精。輸到開巷之後,隊長決定信自己,唔跟電腦。結果?贏咗。

人民幣貶值唔使諗咁多,一句講哂:佢貶值,港紙升值。佢有運行嘅話,香港就冇,講完。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads