熱門:

2015年7月6日

方卓如 方如玉帥

唔可以對抗全世界

「大時代」入面,方展博問富豪借運,富豪話佢哋夠錢推高個市,但點樣都冇辦法同全世界鬥。A股而家就係同緊全世界鬥,從來未見過一個國家可以咁前仆後繼,唔係救市,唔止托市,係要造市。名副其實,A股的確係最透明嘅市場。

你已經記唔到所有造市嘅招數,出招嘅可以係人行、證監、證金、匯金、期交、劵商。全世界亦只有中國嘅證監會,係牽頭造市嘅主力;全世界只有中國嘅股市,喺沒有任何金融危機市場失衡下,唔畀股市跌,要佢升;全世界只有中國嘅股市唔只係一個畀人買賣嘅市場,係有佢特殊任務嘅工具。

如果A股入晒世界指數成分股,基金焗買,佢哋就會畀一個全世界最有錢嘅莊家帶住玩。

人係貪心嘅,只要有錢贏,你唔使叫佢都撲去買。你要個市升,只要燃點起人嘅貪念,令佢覺得有錢贏,自然資金瘋狂入市。相反,你要個市冧,只要出嚟嚇佢,令佢恐懼,人最怕執輸行頭,大家走鬼就一定跌。

而家A股咁多動作,你覺得會令你有貪念定有恐懼?正常嚟講,跌到落底,就有人開始貪心撈底。而家你愈唔畀佢跌,貪心嘅人更加唔會出現。愈托愈跌,咁嘅奇景,A股正在表演。

港股變避風港

A股唔掂,港股未必跟住唔掂。相反,A股太過嚇人,港股就變咗避風港。A股IPO可以突然叫停,喺美國要回巢嘅上市公司,唔一定首選A股。A股買跌嘅隨時會變成叛國行為,港股買跌可以讓你賺夠提款、大搖大擺走人。A股升得勁、跌得狠,港股用兩日時間可以升到位同調整完成,efficient到不得了。A股崩盤,唔適宜連帶睇淡港股。但係都係嗰句,冇人可以對抗全世界,全世界都唔似有個股市大升嘅氣氛環境,我係你就下半年走去遊埠。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads