熱門:

2015年6月8日

方卓如 方如玉帥

40歲同廿歲一樣

40歲人而家叫做青年人,自然要做番啲青年人該當做的事情。青年人要夠膽辭咗份工,走去創業,40歲仲可唔可以?打咗20年工,點都儲到啲錢,識到啲人,有一定的人脈網絡。40歲,應該知道自己興趣,明白自己有乜強項,有乜弱點,呢個時候創業,行最少冤枉路,理應係啖啖肉,一開就賺,一開檔就開單。40歲人創業,應該係贏在起跑線,一開步就係50米開外。

20歲後生仔創業一日到黑就係愁錢,40歲人開檔唔係愁錢,係愁樣衰。廿歲仔只要搵到兩餐晏仔,咁就已經有交代,可以慢慢專心做好件事,等第日邊時爆發賺大錢。40歲人,quit咗份工,全村人望住你,睇你點死,梗係唔衰得。40歲人要錢開飯之外,仲要面,要威。做嘅事唔夠轟烈,冇面目見鄉親父老。所以40歲走去創業,嗰種決心唔係講笑,係血紅了雙眼遇神殺神嗰種。

另一個青春期

40歲除咗事業上學足廿歲之外,仲有一樣嘢同廿歲一樣。40歲男人係另一個青春期,只不過面上冇暗瘡,頭殼頂冇頭髮,但係心態好似廿歲咁鍾意識女仔。40歲人有經濟能力,以前唔夠自信識嘅女仔,而家自信心返哂嚟。當然,首要條件係頭髮未甩哂,薄薄地仲可以梳一個三七分界。男人有個好處,佢哋最大嘅武器唔係個樣,係經濟能力。40歲人,唔太老,仲係青年人,可以去識嘅範圍,橫跨20至40歲。

後生時再坎坷嘅可憐蟲,到40歲都會變成一定程度嘅青蛙王子。

See?40歲大把世界,而家仲直情係打正旗號青年人,試問廿歲仔點同你哋鬥?廿歲嘅超級青年問題,競爭太大,係愈嚟愈辛苦。

不過,唔怕,廿歲嘅青年人,總有一日你都會變成40歲,到時你就乜仇都報哂。

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads