2018年3月17日
本港樓價飆升,住宅單位愈建愈細,房屋供應不足被視為禍根,談及樓市時,長和(00001)主席李嘉誠說:「公道嚟講,政府方面都盡晒力去爭取多啲土地,應付普羅大眾嘅需要,呢個係事實,但係能夠多啲、快啲,就係我所希望嘅。」他表示,商人都希望減稅,但略為加稅並不緊要,可投放在教育、醫療及「水浸眼眉咁緊張」的公營房屋之上,興建更多居屋和公屋。
長和副主席李澤鉅認為,香港土地供應不應區分中短期抑或中長期,他用自己的晚飯經驗作比喻,有一次他沒有吃午餐,晚上肚餓去餐廳用膳,點菜後服務員問他想「冷盤上先還是湯上先」,他便說「有乜食得快啲上先,肚餓喇!」正如土地供應有什麼可行的方法,「中又好短又好,一齊上啦……住喺劏房嗰個人,更加想你快啲有供應。」
對於有專家建議利用葵涌貨櫃碼頭的大片地皮建屋,問及長和作為碼頭主要營運商之一,認為應搬遷碼頭後發展該地皮還是直接在碼頭上蓋起樓。
願顧全大局碼頭上蓋建屋
李澤鉅說,碼頭內已有營運多年的貨櫃堆場上蓋倉庫,「廿年前已經起好,廿年前識做嘅嘢,而家冇理由唔識做。」只要不影響碼頭運作,集團會顧全大局,跟隨政府方向。
對於本港樓價是否見頂,李嘉誠表示,「樓價我絕對唔敢講,過去一兩年差不多高咗一倍。而家樓價同一般市民收入脫節,尤其而家需要多啲公屋、多啲居屋,令到普羅大眾都唔會因為住嘅問題,成為佢生活最大嘅困難。」
他又說:「香港人係咪要不停去爭買貴樓呢?逐個人唔同,假如有足夠錢買咗嚟分期付款有把握,自住絕對冇問題,就算將來樓價跌落去,反正自己住,有咩關係?當然,未來利息會加上去,但睇唔出會加到離離譜譜,加2、3厘已不得了。」
放大圖片 / 顯示原圖
訂戶登入
下一篇: | 持股有增無減 斥走資論無常識 |
上一篇: | 1972年上市 長揸回報5000倍 |