2022年6月6日
物流聯繫世界,身為業界高層的王國亮,多年來公幹出差經驗不計其數,難得他永不言倦,「呢行有好多體驗,公司喺咁多地方有辦事處、生意拍檔,你去拜訪佢哋,唔止傾生意,仲有好多交流,過程中了解到對方嘅文化。坦白講,我雖然成日周圍飛,好少去嗰啲旅遊景點,美國我計唔清去過幾多次,但連(洛杉磯)比華利山都未去過。」
Simon表示,出差期間主要跟當地同事一起,更能體會彼邦生活文化,「會帶我哋去佢哋平時食嘢嘅餐廳,睇到嘅嘢仲多,其實每個地方我都好有印象,我自己住過紐約,而家返去,我都唔需要地圖,知道邊啲方向應該點行。上海又係,唔使同事載我,自己搭車搞掂。」
秘魯逛街 持槍保鑣護航
較有趣經歷,是有段時期Simon每年要到中南美洲公幹,愛「自由行」的他無視治安風險,不時於街上閒逛;試過有次在秘魯走着走着,身邊突然有兩個彪形大漢同行,原來是當地朋友特地為他聘請的持槍保鑣。他笑言自己較「後知後覺」,早年首次去印度出差,事前連防疫針都沒接種,又無自備飲用水,在當地餐廳拿起水就飲,「啲人講到(在印度)連沖涼都唔好擘大個口,嘿!我又完全無嘢喎。」
放大圖片 / 顯示原圖訂戶登入
下一篇: | 進軍電商配送 遇疫情急增長 |
上一篇: | 足球發燒友 以波論職場 |