熱門:

2022年6月6日

移英者「精過龍」 必會回流

《港區國安法》2020年中生效後,香港再次掀起移民潮。全國政協副主席梁振英認為,移民者終會在外地受排斥,直言「離港人數比以前多咗,但我認為佢哋會返嚟」。

曾任基本法諮詢委員會秘書長的梁振英說,自己見證過移民潮,「認識好多,唔單止上一代回流,下一代都回流,我唔認為係大事。」他預計,移英港人在他鄉會遭受排斥,「又要拎英國5+1,又保留特區護照身份證,隨時返嚟,英國人對呢樣嘢冇睇法㗎咩?所以用英文講,we can't be too smart by half,即係『精過龍』。」他又提到,港人過去少談對國家的集體義務,例如有國家要求成年男子當兵,「(香港人)去到外國最唔習慣呢樣嘢,以為交稅就係。」

籲關注37萬居內地港人

梁振英強調,離港人士未有放棄香港身份證,只是移居,倘要放棄原有國籍,離港者會三思,「如果你同佢講嚴格執行、冇後路,佢會另有想法。」被問到作為國家領導人發表「移居論」,會否予人感覺「趕客」?他稱,不能對扭曲及誤解《基本法》視而不見,重申「有人走有人返嚟,中環大把人講英文流利過講廣東話」。

不少學者都建議政府應正視移民潮問題,以免香港人才資金繼續流失。梁振英就相信「絕大多數香港人仲喺香港」,並指港府要着眼的不是移居海外港人,而是37萬長居內地港人,「你講香港外嘅人,為佢做好咩服務,我馬上想起嗰37萬,你去英國嘅有幾多?嗰37萬人投票權問題,仔女讀書問題,生活上其他方面問題我哋點幫佢?」

至於「雙重國籍」問題因移民潮重臨再度浮面,梁振英指出,問題涉及政治、法律及現實層面,「不需急於解決,但現在唔解決唔等於將問題視而不見。」

新冠喻外國勢力促防範

談及外國勢力干預,梁振英不時被外界問及有何實證。他坦言這問題「本身好幼稚」,「你叫CIA(美國中央情報局)證明畀你睇美國有外部勢力,因此需要CIA,冇人會咁做。」他又以新冠病毒作比喻,表明即使無法證明外部勢力存在,也要防範,「我從來冇喺顯微鏡下睇過新冠病毒咩形狀,但我相信我一對手有可能碰到新冠病毒吖嘛,所以都用酒精搓手。」

為了讓學生更易明白這比喻,梁振英透露前年他特意向美國片商,買下有關斯諾登披露美國情報部門非法竊聽的紀錄片《第四公民》版權,並製成過千張光碟送給學校、社團,「變咗老師與同學一齊睇,講畀大家知咩叫『病毒』,而唔係講要戴口罩要洗手,呢個工作要久久為功去做。」

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads