2021年1月11日
千里馬都要有伯樂才可發光發熱,談到商場生涯兩大「恩師」,Adam讚不絕口:「我問過董生(信義總裁董清世):『你咁勤力,究竟幾時先休息?』佢答我:『阿dam(Adam的暱稱),(每月)32號我就休息喇!』,意思即係話佢無得休息,呢句話我銘記於心,一個成功人士唔係賺錢咁簡單,仲要識得管理佢一萬六千幾個員工,點樣喺適當時候進攻同防守。」
「蔡生(新華滙富主席蔡冠深)就大家都認識佢喺政商界嘅成就,我嘅感受係佢好有人情味,唔會因為員工做得唔好,而有一啲非理性嘅懲罰,集團好大,非上市業務仲大過上市,(員工)平均年齡差唔多都有五十幾歲,試想下佢哋喺個集團服務咗二三十年,上台領獎都要排兩個鐘,反映咗呢個老細嘅厚道同人情味,非常之難得。」Adam如是說。
管理哲學「情行先」
既是千里馬,他在棒球場亦一直是別人的伯樂,有其一套管理哲學,「喺球場我哋係享受時間,喺商場就係追趕時間,喺個人領袖角度,都係用份『情』去鼓勵人;你要先學做人再學做事,棒球係團體運動,用返喺商業社會,亦講求『情、理、法』,情行先,到有咗時間建立同信任基礎,好多嘢就會水到渠成。」團體運動最怕遇「豬隊友」,職場亦然,「豬隊友一定有,但你要知道,每個成功過程,中間一定包含埋失敗嘅內涵值,正如你出糧都包括一啲你唔願意接受嘅問題,例如畀人鬧、俾人呃;最難係點樣將痛點變成你嘅喜悅點,就係大家合力完成一個任務,滿足感大過金錢回報,係幾抽象。」
放大圖片 / 顯示原圖
訂戶登入
下一篇: | 出錢出力扶持本地棒球運動 |
上一篇: | 信義系IPO功臣 |