熱門:

2021年1月4日

周一人物_閱歴

選美當歷練 增自信拓視野

早年曾任模特兒的Rebecca, 1995年從加拿大回港,翌年參加亞洲小姐競選,跟陳煒(冠軍)、張文慈等同屆,不過絕非為名次或嫁入豪門鋪路,「喺加拿大讀書時做過電台DJ,返到香港雖然入咗保險業,都好想再做DJ,我本身識陳欣健(時任新城電台行政總裁),我問Philip(陳的洋名)可唔可以畀個半夜凌晨3點節目我試下?」

「佢話,『阿女,你要有名氣先做得,以前做過model唔夠,不如去選美』,我話好呀,咁啱嗰陣亞姐開始報名,就去咗參選。」經過親身接觸,她才發現娛樂圈比想像中複雜,加上本身保險事業漸入佳境,「所以選完就算,係一個經歷,增加自信、見識同視野,當你接受過呢啲(選美)培訓,對個人形象、談吐修養都有幫助。」Rebecca解釋。

競逐世界太太開心過選亞姐

正是這種心態,促使15年後她以人妻身份再次踏上選美舞台,參與2011年世界太太競選,並獲香港區總決賽亞軍,代表本港和澳門地區,出戰美國舉行的全球總決賽。

世界太太競選參賽者來自56個國家及地區,讓Rebecca大開眼界,「好開心識到一班全球各地嘅太太,譬如吉爾吉斯太太,原來又高大又靚,成副亞洲人面孔,而家有啲都仲係好好朋友。」

最終Rebecca獲全場最具創意民族服裝獎,「選『太太』其實開心過選『小姐』,因為後者有競爭性,擔心第時大家會唔會爭上位、爭角色、爭男朋友,『太太』已經名花有主,只想建立自信,展現個人魅力,增加人生經歷。」

投入「仁美清叙」做慈善

對娛樂圈不感興趣,至於雲集歷屆亞姐佳麗的慈善組織「仁美清叙」活動,Rebecca則相當上心,現為仁美清叙董事會成員(對外事務),「我最鍾意個會無乜行政費,全部錢真係用喺慈善。」

那是否一定亞姐出身才可加入?「而家都唔係喇,有啲事業有成、又想對社會有貢獻,或者有啲知名度嘅女性成員。」Rebecca說。

她最難忘是組織2017年11月發起的「舞動香港正能量」活動,找來本地著名舞蹈家Sunny Wong(黃國榮)任總監,逾600位學生及藝人在場學習現代爵士舞,最後經健力士大會認證,正式創下全球同時最多人學習現代爵士舞的世界紀錄,「籌到錢,帶動到年輕人同社區,入埋健力士,三重意義。」

 

放大圖片 / 顯示原圖

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads