2020年11月2日
跑馬地項目EIGHT KWAI FONG HAPPY VALLEY前身為新世界發展(00017)服務式住宅,2015年入伙,今年初星資遠中集團購入全幢,「扮靚」後以新盤名義推出,每層6伙,共139戶,全屬開放式或一房單位,實用面積介乎258至428方呎。黃今證(Dora)透露,集團保留70伙收租,其餘發售,首輪推出55伙。
跑馬地項目半租半售
根據早前提供價單,其中50伙包括6個開放式及44個一房戶,平均呎價33116元,若扣除最高6%優惠(120天付款),折實平均呎價31129元,與同區二手物業相若,在目前市況下算是頗為進取。
Dora形容屬「親民價」,強調不擔心銷情,「見到最近(市場)幾個新盤都賣得好犀利」,目標客源以年輕家庭、單身貴族及投資者為主,預計明年首季入伙。
她提到,集團早就有意進軍香港地產市場,「睇咗好幾年,一直未物色到值得投資嘅,直到搵到呢個項目,決定小試牛刀,除咗地段好,新世界本身用料都靚。」入職遠中6年的Dora以往曾參與集團於澳洲及英國等地project,談到其理想建築,她直言對英國情有獨鍾,「始終讀drama(戲劇)出身,對舊式建築特別有feeling(感覺)。」
以往遠中主要從事海外物業投資,Dora透露,若EIGHT KWAI FONG HAPPY VALLEY試水溫成功,會再積極尋找本地具潛力樓盤,「集團一向睇好香港物業市場,加上持續低息環境,住宅供應一直短缺等因素。」尤其新冠疫情下,投資的議價空間更大。
對於地產後市,她審慎樂觀,「發展商永遠唔會係夕陽行業,因為老一輩成日講要『有瓦遮頭』,所以無論市況如何,剛性需求永遠喺度,(樓價)升唔升得返好難講,但一定唔會大跌。」
作為初來埗到的「過江龍」發展商,Dora強調集團理念是「以人為本,以家為本」,「置業除咗係金錢投資,更重要係對『家』嘅投資,我相信只要用心做、積極做,有優質項目,一定有人留意到。」
訂戶登入
下一篇: | 樓盤領軍人如舞台監督 |
上一篇: | 遠中黃今證棄劇從商 重實踐意念由演藝轉戰地產 坦言曾「交學費」 |