熱門:

2020年9月21日

周一人物

笑談「馬牛狗豬」管理哲學

身為行政總裁,王華志(Raymond)自言不算嚴厲上司,「我當同事係兄弟姊妹,成為CEO後,就係晶門Family。」即使視為家人,不代表不用管教,他透露有一套「動物園管理哲學」,把團隊分為「馬牛狗豬」四類,因材施教。

「如果才德兼備嘅人,係馬;才少而有德行就係牛;有才而德行唔夠就係狗;如果才德皆少,就係豬。要管好一間公司,需『騎馬牽牛,趕豬打狗』。」他逐一解釋:騎馬是驅策人才走得更快,讓其發揮潛力跑贏對手;牽牛是由馬匹帶領培養,「拖住(牛)就識行」。

至於少才少德的豬,他認為要像在豬欄驅趕般鞭策,「唔係完全唔掂,只係(才德)少啲,唔趕佢唔郁,豬唔似牛咁,拖住就識自動自覺前進,一定要喺後面趕。」而基於人「無德不行」,故打狗亦有必要,以免對方恃才傲物,「『趕豬打狗』主要都係驅使人做事,最後無才無德嘅,就應該要離開。」

被問到公司什麼「動物」最多?Raymond笑言:「梗係希望愈多馬愈好,不過可以培訓嘅。」那自覺是牛還是馬?他形容屬「由牛變馬」,「當初我都唔知自己有幾多potential(潛力),好彩遇到好多伯樂,知道自己唔係牛,係馬。」

教子循循善誘

Raymond視工作團隊如家人,在私,他也將「馬牛狗豬」哲學套用於家庭,其子也是工程系畢業,大有承父業之勢,惟Raymond強調從未威逼利誘,「係佢自己想讀」。他憶述,兒子小時候是巴士迷,投入程度去到「聽引擎聲已知是什麼型號」,童年志願當巴士司機。「我同佢講,你揸巴士都好,但可唔可以做站長,管多啲巴士呢?慢慢又lead(引導)下佢,與其只係睇住巴士,不如負責規劃路線,去路政署做?之後再同佢講,巴士喺地面,不如試下管飛機?結果佢去讀飛機工程,而家搵緊工。」果然深諳管教之道。

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads