熱門:

2020年9月14日

周一人物

棋哥改名有段故 對手派臥底偷師

俗語說「唔怕生壞命,最怕改壞名」,做飲食業實力是關鍵,一個順口又特別的招牌名稱,消費者易入腦也很重要;棋哥燒鵝2016年在筲箕灣開業,初時仍沿用經營多年的土瓜灣「新光」為店名,惟隨着翌年開分店,不得不考慮商標專利,Kaiser透露:「『新光』個名畀人註冊咗,萬一我哋開到10間,人哋先嚟講價就麻煩。」遂索性改叫棋哥燒鵝,一勞永逸。

自言燒味百吃不厭

說回筲箕灣店,背後也有段趣事。他憶述當年開業即搶去同區大型燒味集團不少生意,短時間內已站穩腳,除了貨源或有不同,也涉及秘方。對方大老闆親身來視察,後來更派出一名分區經理當臥底,混入Kaiser店舖做兼職樓面「觀察敵情」,未幾該集團就推出類似的燒鵝菜式,「咁呢啲嘢又好難話有咩專利,各有各做啦!」

更有趣的是,雖然旗下品牌以燒鵝掛帥,Kaiser最愛吃是叉燒,「細個一定係,甜嘛,唔識欣賞啲咩鵝呀、鴨呀,叫親都係叉燒飯,我啲仔女依家都一樣。」他自言燒味百吃不厭,如今愛「燶叉」,貪其香口;燒鵝呢?「係個好產品」。坊間有意見質疑鵝肉「毒」,他不以為然,「鵝係食草,反而鴨就雜食;牛都係食草,且有4個胃,所以都唔毒,我問過中醫師,佢仲話(牛肉是毒)無根據。」至於外界覺得食燒味不健康,他忍不住平反:「有營養師朋友幫我做咗個研究,發現一個漢堡包熱量仲高過一碗燒鵝飯,遲啲我會喺餐牌度加埋呢啲數據,當然唔係叫你日日食,久唔久一餐啦。」

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads