2020年8月10日
王南研發並獲中港台等地專利的EEFIT(Efficiency Enhancement Field Induction Technology,依飛量子傳導技術),是一種電磁波光能傳導技術,適用於各種物件。
據他介紹,可以令光子能量(即震動頻率)導入物體並永久保存,從物理學上,產品內的分子,會由隨機軌跡變成排列較有序,從而提升產品效能。
把光子能量導入物體
眼見記者似懂非懂,王南進一步解釋,一般人以為電磁波只用作傳輸訊號,其實不然,「人類五官感受到嘅所有化學現象,都來自電磁波嘅震動頻率、強度、分子排列等;我講嘅電磁波,係一種能量上嘅應用,能量本身係物質,所以電磁波唔係虛無縹緲,只不過存在方式唔同實物,好似空氣、重力咁。」
他表示,現時旗下產品均通過生產力促進局輻射檢測,其中以「依飛神筆」最受歡迎,其發出的能量可被人體穴位吸收,產生共振效應,促進血液循環,紓緩疼痛。
探索抑制新冠病毒能力
在新冠疫情爆發後,公司委託國際驗證機構SGS、廣東省微生物分析檢測中心、國家中醫藥質量重點實驗室(澳門科技大學),測試EEFIT技術在抗菌、抗病毒(甲型流感病毒H1N1)各種表現,又透露現階段試驗結果及報告,可推斷EEFIT對抑制新冠病毒或有一定作用,惟原理及效能尚待探索。
王南還有更遠大抱負,「現時物理學家最傷腦筋,係如何將重力與電磁波整合;重力無處不在,同電磁波唔會互相影響,公司正日夜研究,係用電磁波震動頻率影響物質表現,但量子力學似乎只能喺微觀世界發揮作用,咁究竟量子世界同宏觀實物世界,界線喺邊度?」
「大自然層面,呢個其實係哲學問題,本身大自然並無區分重力同量力效應,係人類用知識將佢哋分成兩個世界,我希望EEFIT呢種相對宏觀技術可帶來突破,通過電磁波引發一啲實物效應,如分子或細胞層面;或者3、5、7年就見到,否則等其他人接力,我相信我哋做嘅研究,會對後人帶來啟發。」王南如是說。
放大圖片 / 顯示原圖訂戶登入