2020年8月3日
身為國際咖啡品牌高層,Justin除了是咖啡愛好者,原來也是葡萄酒收藏家;他形容日常生活是「朝早飲咖啡、食飯飲紅酒」,兩者共通之處,在於可循風土、產地來源作研究,每款產品背後各有故事,「我研究葡萄酒早過咖啡,未做呢行已經有儲(葡萄酒);當年喺澳洲讀書常跟朋友去唔同酒莊,一路以來都有興趣。」
被問到收藏量,他笑說:「坦白講,無計過,不過都儲咗咁多年……(數百支?)唔止!最緊要係老婆唔知我有幾多就得。(訪問見報會否被太太責罵?)肯定會!哈哈。」對於愈來愈多人愛投資葡萄酒,Justin不諱言,自己一開始只抱收藏心態,沒想到近年成為升值潛力高的資產,算是意外收穫,「會特別收藏自己出世嗰年(1979)嘅酒,唔算特別好年份,但對我好有意義。」
欣賞意大利Barolo有性格
談到心頭好,Justin最愛意大利西北部Piemonte地區的Barolo紅酒,「佢哋嘅酒好有性格,擺好多年都唔會有特別唔同變化,造酒嘅人亦非常堅持。」他認為與做咖啡的道理異曲同工,「首先你有性格,就會想做啲唔同嘅嘢,然後有堅持先做到有品質產品。」那愛咖啡抑或葡萄酒較多?他答得巧妙:「平日一定飲咖啡多過喝紅酒,總之我鍾意飲好嘢啦!」
訂戶登入
上一篇: | 回流香港力推產品本地化 |