2022年2月16日
李靜外表火爆,其實相當幽默,不出記者所料,他是周星馳粉絲,「我鍾意港產片,周星馳、古惑仔系列、古裝武打片,始終與香港同根同源嘛!呃人唔到,我母語係廣東話,普通話後學,不過兩樣都咁流利。」
他在港也常看粵劇,但對於非自己專業的事,他十分謙虛。「我粵劇一般,但老豆鍾意,叫做識聽少少啦!」雖然他是一眾乒乓女將的教練,但坦承在香港的生活和文化方面「班球員其實教我好多」,李皓晴、杜凱琹、蘇慧音是他在不同時期所收的徒弟。
除了乒乓球,他還是個足球迷。記者和他談起年初一中國國足不敵越南,他有感而發:「做人要知足,唔好將自己晾得太高,小心撻親,搞到腰椎盤突出就唔好啦!好似中國足球,搞到頸椎都歪埋,不似人形!」講起波經,他滔滔不絕。
食完煲仔飯後閒聊之際他忽然站起來,記者思索幾秒才知他要走,順手拿起賬單去找數,他伸直手臂說:「攞嚟啦!」記者望望他,exactly是東奧時用粗口怒罵杜凱琹的眼神,於是乖乖將單子交上。
他的火來自多年「逆境」,除了港隊頭兩年陷低潮,之前在中國隊也受忽略,「1991年說我(成名)是偶然,1993年變黑馬,之後做了10年黑馬!真係唔知邊度黑,我皮膚都幾白淨啊!自己係黑馬,球員又黑馬,於是負負得正變白馬王子,都開心嘅!」東奧女團銅牌,令他和隊員擺脫黑馬之名。
記者說:「你唔係黑馬,學簡炳墀話齋:係食力!」
當日簡炳墀仍未離世,李靜認真地說:「都要練馬師、騎師一齊努力至得!」
撰文:吳雄
放大圖片 / 顯示原圖
訂戶登入
下一篇: | 日食極品蟬海老 |
上一篇: | 金句王李靜 笑談前世情人 |