熱門:

2020年11月12日

達聞西 競技研究院

封殺尼馬

世界變啦!世界變啦!美帝傳媒可以「明張目膽」到cut總統大人嘅電視講話,理由係「指控欠證據」,唔通啲傳媒內置測謊儀?明明大選係兩黨之爭,傳媒、社交網站竟然以身相許,而唔係隔岸觀戰中肯報道,隨時搞到身敗名裂啊!

巴西球星尼馬最近都畀人封殺,事緣佢之前喺社交網站,展示巴西隊友李察利臣嘅手機號碼,雖然對方即刻提醒fans唔好打過來,邊個打過嚟就block邊個,但係短短5分鐘都收到1萬個SMS,真係人都癲!尼馬就食住花生睇熱鬧:「我真係冇心㗎,兄弟!」

尼馬當然係一時貪玩,李察利臣亦都係玩得之人,只係換過個電話號碼。但係串流平台Twitch就封咗尼馬嘅賬號,話之你係超級明星,總之違反遊戲規則就ban!「唔准侵犯其他人私隱,不得公開他人私人資料!」Twitch嘅網管人員寫道。

知衰就唔係尼馬啦!佢隨即拍片指住李察利臣話:「係呢條友啦!搞到我俾Twitch封賬號!如果我冇搞錯嘅話,7日之後又一條好漢。」現場傳來一陣笑聲。尼馬10月開始玩呢個平台,已經有11萬個fans,而家上去佢專頁只係睇到:除非你有時光機,該專頁暫時關閉。

做人做事要有譜,否則聽變特朗普!尼馬球技一流,但做起事上來就認真冇譜啦!好似前東家巴塞隆拿因為最近手緊,於是打算起訴佢追番條1000萬歐羅嘅舊數,因為佢當年收完「忠誠費」轉個頭加盟巴黎聖日耳門,相信呢場官司都有排打啦!

面臨債主上門

個人惹麻煩、後果自己受,但係成間機構落錯決定,甚至乎成個行業失去公信力,影響就大到得人驚啦!好似巴塞前任主席巴杜美洗腳唔抹腳,搞到球會面臨債主上門,要兜售球星湊錢嘅下場。堂堂歐洲豪門搞到咁,球迷見到都咪話唔心噏。

至於美國傳媒經過呢次美國總統大選,將來嘅經營情況將更困難,fb同Twitter都會遇上新競爭對手。政治污糟邋遢過臭坑渠,做咩要跳埋落去玩埋一份呢?達聞西唱首《飛哥跌落坑渠》畀朱克伯格聽,嗱「朱仔」唔准畀嬲,又畀like㗎!

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads