熱門:

2020年5月16日

達聞西 競技研究院

居家隔離 弊多於利?

「你是否同意1900至45年間,日本為中國帶來的利多於弊」——呢個歷史題第一眼覺得有問題,因為擺明企響中共角度去問嘅?

毛澤東以前成日話冇日軍侵華嘅話,要擊敗國民黨贏得江山會難得多。不過,既然係問是否同意,咁就利弊都講得,有咩問題呢?

好似,新冠疫情下到底對人類係利多定弊多呢?其實都係兩方面都有得分析,比如疫情下多咗留喺家中,應該少咗盜竊案啦!點知英超家居盜竊或搶劫案反而激增,最新係熱刺球星迪利阿里,日前幾名持械賊人光天化日之下,衝入屋中挾持阿里、女友同兄弟,掠走幾十萬英鎊首飾名錶。

記得,4月初達聞西都寫過《打劫要趁疫》,當時個受害人係英國名宿艾殊利高爾,之後車仔領隊林柏特等人都遭賊佬光顧。究竟英國警方搞乜鬼,咁樣落去仲得了嘅?搞到球壇人心惶惶不特止,分分鐘影響外援登陸英超嘅信心㗎。

英國警方唔會着制服拉完毒販,除低制服就去賣毒品嘅,所以都需要一啲時間去拉人,咁球星惟有齊心協力抗疫兼抗賊啦!好似雲比沙卡就請保安公司護家宅,亦有人使成萬英鎊買惡犬想嚇走啲賊佬咁話!社會禮崩樂壞,自然怪招百出啦!

買狗守門口

凡事用唔同角度去睇,冇話答「利多於弊」就會低分,你估歷史有標準答案啊?「歷史由勝利者書寫」呢句話喺21世紀係行唔通㗎!班學生連父母、老師講嘅嘢都會質疑啦!好心教育中人思想進步下啦!放下政治成見,先可以建立健康嘅歷史科教育。

齊心可以解決一切問題,好似搶劫阿里班賊佬咁,咪以為呢鋪發達啊!因為阿里將財物資料全部公開,呢批賊贜想搵人接貨都難!好多英超球星們都私底下話,一定唔會買呢批貨,只要一見到可疑賊贜即刻報警,一於要趕絕呢班無恥之徒。

只要市民團結守住道德底線,一個城市或國家都好難沉淪,或者現狀好令人沮喪同擔心,但大家只要企直坐正,未來都係樂觀嘅!

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads