2020年3月25日
二○一九年,其實有不少企業表現不如人意,但最令人跌破眼鏡的就是Beyond Meat(超級肉類), 這間公司標榜人造肉,又有Bill Gates、李嘉誠、瑞銀集團及淡馬錫投資,二○一九年上半年股價一飛沖天,但時至今日他的股價只有半年前高峰的一半,由天堂落返地「肉」。
點解咁潮嘅公司會失色?首先是成本,超級肉類成本居高不下,以致售價偏高,人造肉的原料來自植物,用大豆分離蛋白為製品,以美國零售價來計算,一個人造肉漢堡包七美元,比麥當勞貴足七成,人人都知道快餐漢堡包熱量高,唔健康,是垃圾食物,但大家點解照吃?答案就係因為平。
這類人造肉做出來的漢堡包是貴族,雖然可以靠工業化量化生產減低成本,但係要做到普及化,仍然有一大段距離。
再加上,冇一個理由係非吃不可,一個成年人一天要吸收的卡路里和蛋白質,通常來自豬牛雞肉類製品,人造肉之所以被看好,因為他講故仔的時候話可以取代這龐大的肉類市場,先撇開口感不提,用同樣嘅錢,消費者可以選擇的商品其實很多,例如食沙律,食豆腐、雞蛋。
失敗的原因還有一套是缺乏門檻,目前人造肉已經是紅海市場,有人造豬肉、人造牛肉、雞肉,傳統大型食品公司也加入戰場,例如雀巢公司推出植物漢堡;世界第二大雞肉、牛肉加工商和銷售商Tyson見到人造肉在資本市場成功,自己也玩埋一份。
其實生產人造肉的材料和技術,在食品加工業非常普遍,台灣就有大把,面對這些挑戰,我食過幾啖,真係吐都吐唔切,作為食客都係咁,想想投資者又點會落疊?
訂戶登入