熱門:

2020年3月11日

達聞西 競技研究院

歐洲武漢 意甲隔離

競技嘅目的係咩?係展示人類幾咁有power,而唔係用來挑戰死神;競技亦係娛樂活動,冇觀眾嘅比賽不如取消。有歐洲武漢之稱嘅意大利,總理孔特宣布暫停國內體育賽事,到4月3日為止。

意甲首當其衝大受影響,祖雲達斯股價周一急跌13%,羅馬、拉素分別跌20.6%同16.76%。正所謂錢可以搵過,命就得一條,相信球會、球員、球迷都會支持,呢個時世仲邊有心情入場睇波啊?

上輪聯賽意乙就出現抗爭事件,佩斯卡拉球員戴醫療口罩入場,一字排開向看台空凳鼓掌,球證以違反球例警告,球員們先除低個口罩比賽。會方話:「為球員同對手嘅健康着想,我哋決定帶口罩入場。」

對手賓尼雲圖係意乙榜首球隊,教練恩沙基都支持佩斯卡拉嘅行動,「健康第一,球賽應該喺適當時候恢復。閉門作賽根本係唔make sense,呢個時候冇人可以享受足球。」恩沙基講,講真冇球迷又何來球賽呢?

祖記球王C朗亦以動作抗議,上輪聯賽主場2比0贏國際米蘭賽前,走落隊巴後伸出雙手同空氣擊掌,諷刺閉門作賽下球員同球迷互相隔離。如果疫情真係咁嚴重,仲要呢班億萬身價球星落場,等同推佢哋去送死。

NBA一樣咁荒謬,之前出埋啲廢紙指引,咩唔好同球迷握手,周一又放風話可能閉門作賽。連政治冷感嘅頭號球星勒邦占士都睇唔過眼:「冇球迷下比賽?我一個字答你:No!我為隊友、球迷而戰,籃球就係咁簡單。」

不過,達聞西聽講呢次連占士都冇面俾,NBA同班主開過電話會議,若疫情擴散嘅話,可能被迫要閉門作賽。目前,包括NBA、MLB(美職棒)、NHL(美國國家冰球聯盟)和MLS(美國職業足球大聯盟)已發表聯合聲明,宣布暫時禁止媒體進入球隊更衣室,以免新冠肺炎擴散。

禁記者入更衣室

面對防不勝防嘅新冠疫情,全人類要齊心協力,保持唔怕一萬只怕萬一嘅態度,先有機會減少社區爆發。千祈咪聽病毒來源地啲高官亂講,咩可防可控通通信唔過,你愛錢唔愛命你嘅事,咪再害全世界啦!經一事要長一智,相信大家經過呢次疫情之後,明白好似WHO呢類國際機構,一定要由西方民主國家嘅人做主席,咁先有更準確嘅資訊同警報,而唔係不分青紅皂白,叫全人類講:「感恩」!

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads