熱門:

2020年2月12日

佘冠文醫生 骨場精英

年紀大,係咁㗎啦?

中學同學Samson來電:「老友,有事請教:近來我媽媽好似有啲唔妥!」「咩事呢?」伯母是個開朗、健談的老友記。「近呢半年,佢成日都話唔想出街!以前成日同朋友去旅行,而家唔去不特止,連佢最惜嘅孫仔都唔多想過嚟睇……」「問佢點解,佢成日就話『行多少少都攰,唔周圍去囉!年紀大,係咁㗎啦』喎!」「不如你帶佢上嚟畀我了解一下啦!」我說。

3日後,伯母就在Samson帶領下在我面前出現。「好耐冇見啦伯母!阿仔話你近來好深閨喎,係咪有乜嘢唔舒服啊?」眼前的伯母容光煥發、神采飛揚,看來一點也不似有大病。

「你聽佢講啦,我老虎都可以打死幾隻!我噚日先同啲老友記打咗12圈麻將,贏咗幾底都不知幾開心!不過咁,行路就真係冇以前咁醒啦!你知我條腰不嬲都有少少唔妥,近呢半年行或者企一陣,雙腿就開始好攰;開頭都不以為意,近呢一兩個月行十分八分鐘,隻腳就攰得好緊要,一定要搵凳坐。好奇怪喎,坐一陣又行得番,不過行一陣又要坐。」她展露招牌笑容說:「年紀大,係咁㗎啦!」從她的病徵看出,她應該患上腰椎狹窄導致神經性跛行,往後的X光及磁力共振亦印證了我的診斷。

腰椎狹窄成因主要因為要椎退化、增生甚至錐體滑脫,導致腰椎馬尾神經壓逼。治療一般以保守治療為主,病情嚴重則需減壓甚至融合(fusion)去處理。因為病情發展一般較慢,所以很多病人都不以為意,認為「年紀大,係咁㗎啦!」但當病情嚴重時,不但活動能力甚至日常生活受影響,當神經線功能及大小便功能都受損時,更會錯過最佳的治療時機。

作者為骨科專科醫生

 

[信健康] 捍衛健康非難事,腰椎退化要留意!【更多健康資訊:health.hkej.com

 

放大圖片 / 顯示原圖

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads