2018年8月9日
「當年有人同我講,你而家冇,但係將來會有。」同我講的那個人,名叫張家輝,大家非常熟悉的影帝;至於同張家輝講的那個人,名叫關詠荷,影帝身邊不離不棄的太太。
本來這是一個賺人熱淚的浪漫故事,當年窮小子愛上電視紅星,女方不嫌男方一無所有,還要贈予深情勉勵:「你而家唔得啫,有邊個擔保你第日唔得啫?」於是乎,化骨龍發揮小宇宙,並且練出一身虬結筋肉,從無到有化腐朽為神奇,變作金像獎最佳男主角。
你而家冇,但係將來會有,勵志確是勵志到極,可惜現實世界總是無比殘酷,你而家冇,將來可能仍然乜鬼都冇,因為人生在世經常出現障礙物阻住地球轉。
政府打算修例將男士有薪侍產假由3天增至5天,勞方爭取加到7天,行政會議成員兼自由黨主席張宇人則唱反調,認為「侍產假一天都唔應該有」,原因是勞方苛索永無止境,給了7天就要14天,給了14天就要1個月,給了1個月就要1年。這位資方代表又以自己舊時經歷反問:「以前我冇侍產假又點呢?以前我老婆冇產假又點呢?」
按照張宇人的邏輯,你以前冇,將來不應該有。
實在太唏噓了,如果關詠荷當年對張家輝說:「以前我冇男朋友又點呢?以前你冇女朋友又點呢?」兩人譜不成戀曲事小,獅子山下的香港精神崩了一角事大。說到底,香港精神建基於將來會有的希望,要是一盆冷水照頭淋,將來乜鬼都冇,豈不令人絕望?
本地出生率已經夠低的了,港男港女不介意絕子絕孫比比皆是,某程度而言是對於將來失去希望。萬一連區區幾天的侍產假也受到阻撓,生育意願恐怕推得更低。政府若想鼓勵生育,必須挪開地球轉動障礙物,重新讓人尋回失蹤日久的希望:你而家冇,但係將來會有。
(編者按:林創成最新著作《嚮往發呆2 ── 病態動物園》現已發售)
歡迎訂購:實體書、電子書
訂戶登入
下一篇: | 安慰 |
上一篇: | 主要足球賽程及周二戰果 |