熱門:

2018年1月29日

蘭詩 視線所及

幾多歲要帶身份證出街呢?

流感高峰期,媽咪下令全家大小、不論年紀盡快打流感針。於是一行10人到港安醫院排排坐先登記,去到大堂已經人山人海,姑娘說好彩我們已經預先電話預訂留位,否則未必夠這麼多支針。

姑娘要求大家出示身份證,哥哥二女說沒有帶出街。大家於是問:「其實係唔係18歲有成人身份證先至一定要帶身份證出街呢?」

我答:「根據《入境條例》(第115章)第17C(1)及(2)條,任何人如年滿15歲而有ID card,即須時刻隨身攜帶ID card㗎啦。而且如果任何警務人員、入境事務主任或助理員要求下,就必須出示身份證明文件以供查閱。不過如果佢哋唔係着緊制服,你有權要求佢出示證明文件,以證明佢真係警務人員、入境事務主任或助理員。

「根據第17C(3)條,任何人如果年滿15歲而領有香港身份證,但又唔能夠出示ID card以供查閱,即屬犯罪,最高可被罰款5000元。但如果被控人能夠就未能出示身份證明文件一事提出合理辯解,即可作為免責辯護。

「第17C(4)條亦列明,如果被控人無帶身份證明文件,係由於佢個身份證明文件唔見咗,而且又已經報咗警,或者遺失咗但係未有機會報警,都可以作為合理辯解。」

哥哥問:「咁如果真係唔俾身份證阿Sir查,阿Sir可以拉我嗎?」

我答:「根據第17D(1)條,任何警務人員、入境事務主任或助理員都可以唔需要warrant下,而立即arrest任何喺要求下都無出示其身份證明文件嘅人。

「另外,根據第17D(3)條,如主管警署嘅人員覺得上述被捕人士可能已經喺香港非法入境,或意圖或企圖咁做,或正已經違反逗留條件,就應該喺合理切實可行範圍內,盡快將被捕人士帶去入境事務主任或助理員面前,安排進行訊問。

「不過,香港嘅警務人員一般都好reasonable嘅!一般嚟講,如市民未能出示身份證明文件,警務人員都會通融一下,要求佢喺合理時間同情況下攞番嚟;或者解釋吓以便證實身份。

「所以記住見到阿Sir咪咁寸,因為視乎情況需要同嗰個人嘅態度,警務人員可以俾個口頭警告、或者帶返警署作進一步查詢、或者charge佢,甚至拘捕佢!」

說時遲那時快,姑娘說:「啲針ready啦!你哋10個,邊個打先?」

一向最怕死的我,第一個say:「Not me!」誰知平時沉默寡言、體質瘦弱的樂軒表哥,立即好man說:「No problem! Let me go first !!!」

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads