熱門:

2017年12月11日

蘭詩 視線所及

咁都算違反商品說明條例㗎?

士多老闆第二代「阿祖」約我到尖沙咀「天香樓」食大閘蟹。除了想和舊朋友聚一聚之外,我出名是蟹癡,當然不會say no。

世界真的是沒有免費午餐的。坐下不久,「阿祖」便開始「抽水」問:「我同老豆上個禮拜吵大鑊,佢話想趁聖誕節,清咗啲就快過期嘅朱古力貨。原價一盒100元,八折減到80元,務求清貨。但老豆就話,要mark原價160元,當半價收80元,先夠吸引。我話咁做可能違反幾年前新修訂嘅《商品說明條例》。但係我老豆藐藐嘴話佢做咗幾十年生意,唔使我教!又話我小題大做,大不了咪最多罰款或者賠錢,又唔係殺人放火!女神,你點睇?」

惟有受人靚蟹,替人消災。我回答:「聽落真係好有可能犯法㗎!」

「新修訂的《商品說明條例》喺2013年7月19日已經生效。不過,其實修訂之前,一向《條例》都已經有針對各種提供貨品時不良營商手法嘅罪行。修訂主要係extend埋去cover提供服務時嘅不良手法,以加強對香港消費者的保障。

「負責執行《條例》嘅唔係Police,而係海關。佢哋有一team人,有成一百幾十個員工,專門負責相關嘅調查同執法工作。好似話好『旺場』,平均每個禮拜都有一到兩個涉及不良營商手法嘅case。

「你老豆mark高原價嘅招數令我諗起之前嘅一個case。喺嗰個個案中,有間公司通過一個團購網站以每包『團購價168元』賣米,表示每包米原價260元,推廣折扣為六五折。但事實上公司從來都無以每包260元嘅『原價』賣過嗰種米。海關認為係虛假商品說明,觸犯咗《條例》。不過,經取得律政司意見,決定畀次機會;接受公司承諾兩年內不會喺營商過程或業務運作中作出該類行為或相當程 度上類似嘅行為,並會為員工制訂合規計劃同相關措施,以便落實承諾同遵從《條例》嘅規定。

「不過,唔係次次都一定可以畀承諾就免檢控㗎。《條例》修訂至涵蓋服務後嘅第一個被檢控同定罪嘅case,個case係關於一個私家偵探開嘅私家偵探社嘅網站嘅。佢喺廣告介紹公司可以提供嘅服務,誇稱公司有30年辦案經驗,以及所有調查工作均由前警務人員負責。事實原來只係老作!公司只有大約6年,而公司雖然偶然會喺調查時非正式徵詢一名警務人員嘅意見,但從未僱用任何前警務人員。結果被判罪成,處罰款3萬元。

不過,千祈唔好以為一定只係罰款了事!任何人如觸犯《條例》所訂嘅罪行,最高可被罰款50萬元及監禁5年。以往亦有唔少被判坐監嘅case㗎!」(待續)

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads