熱門:

2017年10月30日

蘭詩 視線所及

打工仔都有咁多嘢可以減稅?

用來載媽咪的Vellfire七人車頗舒適,但新簇簇,司機卻接二連三話架車有問題要修理。我當年考車牌都考足10年,5take才pass!不過,可能本身職業關係,雖然對車一竅不通仍然懷疑事有蹺蹊。於是向汽車專家好朋友Raymond請教。一問之下,不禁有點懷疑架車是否如司機所述那麼「未老先衰」!

幾個月前坐少奶好友「雪梨」司機車,發現部車keep得非常乾淨清潔。一問之下,原來部車是她聘請的司機自己擁有的。於是決定照辦煮碗,經好友介紹下找到一個連車司機。見工才知世界真小,原來介紹來的新司機「積夫」也是我本來已經認識的。朋友說積夫聽到女神媽要請司機,立刻自薦。

雖然我們之間的僱傭合約有對司機揸的車輛有一定規定,但並沒有要求是全新車。新司機第一日開工卻給了我和媽咪一個驚喜,在我們眼前的居然是一部全新的Benz V仔七人車!心想給這位連車司機的人工,絕對值回票價!

於是禮尚往來,「醒」積夫合法減稅方法。我問:「積夫,你知唔知報稅嘅時候,你可以申請從你份人工扣起入油錢,或者架車嘅折舊等;剩餘嘅尾數先當係你嘅入息嚟打稅?」

積夫答:「有咁嘅事?」

我用專家口吻「教精」「積夫」說:「根據《稅務條例》第12(1)(a)條,計算任何人嘅應評稅入息金額時,可扣除完全、純粹及必須為產生該應評稅入息而招致嘅所有支出及開支,但屬家庭性質或私人性質嘅開支則除外。」

咁如開支係為超過一個用途而招致嘅,就應按比例分攤——例如汽車日常開支同維修費有部分係作私人用途,通常可根據行車里數分攤。

另外,如打份工僱員必要自費提供一啲機械或工業裝置,咁根據《稅務條例》第12(1)(b)條,喺打稅時,就該等機械或工業裝置嘅資本開支可以從人工扣除先打稅。

最常見嘅例子係汽車。根據《稅務條例》第39B(3)條,每年免稅額須按稅務委員會所訂明嘅折舊率計算,每類機械或工業裝置嘅遞減價值未必一樣。而《稅務規則》第2(1)(a)條則訂明,汽車嘅折舊率為30%。

「所以,積夫,你記住keep番每日開工放工嘅咪數,keep所有入油單、維修單、買車合同等。」

誰知積夫面有難色,尷尬說:「Boss,我要養老婆、父母,加埋細路;扣完個人、子女、父母免稅額,好似已經無乜資格交稅了!哈哈!」

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads