熱門:

2016年1月16日

六角都市

洗頭艇

嗰日一邊用個浴盆同個女洗頭一邊遊魂,諗起近日熱話的「洗頭艇」,呢方面我以前同事Alex係專家,可以問吓佢有冇試過咁博坐艇偷渡去滾,不過已經好耐無見。眼前踎在個浴盆邊洗住嗰幾條頭髮,已經係最接近我生活的「洗頭艇」。咪話,放大咗係幾似。

老婆放完產假,順利回歸香港公司返工,我就趁轉工空檔,搞掂埋北京的手尾搬返香港。朋友紛紛恭喜我返回自由世界。兩年幾前一支公上去,而家又大又細落嚟,邊度自由呀?不過,有啲成就感咁啦。

自由教育

書局友?以前呢類大事件一定要上高登,唔評都睇吓評論,而家我比較關心邊間書店的育兒書齊全。個女未出世之前,老婆同我明明話自由教育,誓唔做怪獸家長。但係老婆而家久唔久會爆一句:「細個好想學小提琴不過阿媽唔准,女仔學小提琴好優雅呀嗬。」「係呀,小提琴好,竪琴太大,入唔到港鐵。」我答──死喇,我應該要答:老婆,生細路唔係為咗填補自己細個的遺憾──自由教育?

土地問題?係好大問題。以為上北京好耐,車賣咗樓放租,點知一個屈尾十又返咗嚟。以前個竇點都唔夠住,外母又盛意拳拳,話暫時住住先方便照應。

一家大細屈喺外母屋企始終唔自在,必須要急切解決土地問題。

梁振英《施政報告》噏乜我懶理,剩係睇住樓價幾時跌,租定買,住得近外母定近老竇,邊個區校網好……直情成世人所有問題差唔多都繫於一個土地問題。喺北京見到港產廢青同事Jonathan,自不然好熱烈撩我討論《勁曲金曲分獎禮》,激動到好似自己同林日曦一齊捱出頭一樣。

我梗係有睇啦,就算無,第二日面書都洗版洗到無可能錯過,不過,我就覺得好似以前睇《歡樂今宵》咁。

一樣係好有創意好抵死地改歌詞, 一樣係去情情塔塔,改為關心社會時事, 一樣笑死,連盧海鵬呢個台柱都喺埋度,齊晒章!

Jonathan話我唔明,以前《歡樂今宵》係全社會都接受同鼓勵的創意,而家毛記電視係以小眾同受壓迫姿態出現云云。我明!套用某港女的說話:再搵唔到工,好快我都變廢青啦。點會唔明呀。

以前畀人問起新年願望,我一定答「見日過日」,願望呢家嘢係人得閒無事亂諗出來畀啲希望自己,從來無諗過實現。到而家真係冇乜嘢可以諗,要見日過日,反而有個願望。未來一年,估計我有好多時間都會守住呢隻「洗頭艇」,願望係風平浪靜。

[email protected]角都市

放大圖片 / 顯示原圖

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads