|
熱門:

2017年3月21日

方卓如 方如玉帥

肉眼你係無法分辨

奶媽上台係唔可以團結香港,因為按照而家民調,親泛民嘅大半香港人都唔支持佢,我諗佢都唔敢否認。佢上台執政其實唔會令而家香港現況有乜嘢改善,只係可能有啲斯文有啲本事嘅建制肯埋班,但最後都係會消耗晒佢哋嘅政治能量,例如而家嘅陸恭蕙。

薯片當選,佢可能可以團結一大片香港市民,但唔可以團結傳統建制。一如上屆,突然間U-turn轉軚要支持對家,令一班企得咁前諗住上台執政嘅唐營支持者情何以堪?而家奶媽係一手近乎攬晒建制開口支持,如果突然間呢班人撐到咁行嘅支持者落選,成個建制陣營咪亂晒龍?所以今屆看似比上屆斯文乾淨,實質係邊個當選都好,香港都係要內傷多一次,只係傷唔到部位。

美圖公司(01357)貫徹自己嘅產品,你眼見嘅其實係假,股價由兩點零鐘上市新高23蚊,直插到收市時候跌穿16蚊。美圖美化唔到股價太耐,咁快現形,帶出了幾個問題。

「港股通」3點就收市,上海深圳股民有整整一個鐘唔能夠買賣港股,但港股仍然交投當中。美圖兩點半後下跌,大概3點跌回上日收市價,3點後先係戲肉,全日三分一成交在這一小時內發生,可憐上海深圳股東眼白白被挾死,欲沽無從。

往後發展,香港嘅交易時間必定同內地睇齊,否則這一小時黃金時間,就係上海深圳股民嘅墳墓,仲成世界?

另外,美圖係700億市值公司,股價表現同細價莊家股一樣,表示內地莊家有力炒起幾百億市值股票,經常出現在媒體口邊嘅莊家股唔再限於市值高低。700億都可以當細價股炒,可想而知北水係幾厲害。以後你唔好以為買大價股穩陣,用市值高低分辨靚女豬扒。有美圖神器出現,用肉眼你係無法分辨。

最後,任何股價要抵抗地心吸力,一定係要股票唔急於換鈔票。美圖太巨型,好難長時間手持股票而唔換鈔票。

沒有盈利嘅公司,要對抗地心吸力,必定要經得起時間考驗,例如Amazon同Facebook。只有3個月貨仔,加上參與者眾多,其實咁嘅表現已經好叻仔。

 

訂戶登入

回上

信報簡介 | 服務條款 | 私隱條款 | 免責聲明 | 廣告查詢 | 信報會議中心租賃 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。